தமிழை பழிக்கும் மூடர்களே

தமிழையும் ஆதிதமிழர்களையும்

பற்றிய அறிவு இல்லாமல் அவற்றை பழிக்கும் மூடர்களே

தமிழருக்கு மட்டும் தாய் மொழியல்ல தமிழ்
உலக மொழிகளுக்கு எல்லாம் முதன்மை மொழியும்
தாய் மொழியும் தமிழ் தான்

உலக வரலாற்றில் தமிழையும் தமிழரையும்
நீக்கிவிட்டு மீண்டும் வரலாறு எழுத இயலுமா?

உலக நாகரிகத்தில் தமிழர் நாகரிகத்தின்
தாக்கம் இல்லாத நாகரிகத்தை வேறு எங்கும்
உங்களால் காண்பிக்க இயலுமா?

நோயற்ற வாழ்வு வாழ தமிழர் தந்த மருத்துவத்தை
இன்றும் உலகில் உள்ள அனைத்து மருத்துவர்களும்
வியந்து அதையே பரிந்துரைக்கிறார் என்பது
உங்களுக்கு தெரியுமா?

தமிழும் தமிழினமும் சாதித்ததை
இந்த உலகில் வேறு எவரும் சாதிக்கவில்லை
என்பதினை நீங்கள் அறிவீரா?

அவ்வளவு ஏன் சீறி வரும் காளையை கட்டித்தழுவி
அதன் திமிலை தொடும் திமிரும் (திமிலும்)
எம் தமிழனுக்கே சொந்தம் என்பதினை
உங்களால் மறுக்க முடியுமா?

ஒன்றை மட்டும் நினைவில் கொள்ளுங்கள்
மனிதனின் மனக்கோட்டைக்கு
சாளரமாக (சன்னல்) எத்தனை மொழிகளை
வேண்டாமென்றாலும் வைத்துக்கொள்ளுங்கள்
ஆனால் வாசலாக தாய் மொழியை 
மட்டுமே கட்டமையுங்கள்

உயர உயர பறந்தாலும் காகம்
பருந்து ஆகாது.

என் உயிர் தமிழ் தாயே உனக்கு ஈடாக இவ்வுலகில்
வேறு எந்த சிறப்பான மொழியும் இல்லை
உனது பிள்ளைகளால் கட்டமைக்கப்பட்ட                                                                                                                               வீரமும் மருத்துவமும் நாகரிகமும்                                                                                                                                             வேறு எந்த கொம்பனாலும் கட்டமைக்க முடியாது

தமிழ்நேசன் த.நாகராஜ்